အမျိုးသားရေး၊ ဒီမိုကရေစီရေး၊ တော်လှန်ရေးနှင့် ရန်သူ

ဆောင်းပါး - M.ထက်ခေါင်

နိဒါန်း

သောသီခိုဘလော့ဂ်တွင် လွတ်လပ်သော မွန်သတင်းအေဂျင်စီမှ တဆင့်ကူးယူဖော်ပြထားသော ဆောင်းပါးတပုဒ်ကို တွေ့ရှိရ သည်။ ရေးသူမှာ ပန်းချီပန်းပု၊ ယမဓော အောင်စိန် ဖြစ်၏။ “မြန်မာ-ဗမာ အသုံးအနှုန်းများကို စာပေအမြင်ဖြင့် သုံးသပ်ပြီး နအဖ ၏ နိုင်ငံရေးအမြင်ကို ပုံဖော်ကြည့်ခြင်း”ဟု ခေါင်းစဉ်တပ်ထားသော်လည်း ထိုအသုံးအနှုန်းနှစ်ခုနှင့် ပတ်သက်ပြီး ပီပြင်ပြတ်သား သော သဘောထားအမြင်နှင့် သုံးသပ်ဝေဖန်ချက် တခုတလေမျှ မရှိ။ စာပေအမြင်ဖြင့် သုံးသပ်ခြင်းဆိုသည့်တိုင် ထိုကိစ္စအပေါ် မည်သည့်စာပေအမြင်မျှ ကျနပီပြင်စွာ ဖော်ထုတ်ရှင်းလင်းနိုင်ခြင်းလည်း မရှိ။ ခပ်ဝါးဝါး ရေးသားလိုက်သော ဆောင်းပါးတပုဒ်သာ ဖြစ်သည်။
ဆောင်းပါး ပထမပိုဒ်မှာပင် ကုန်းဘောင်ခေတ်ကစပြီး ဗမာဆိုသော အသုံးအနှုန်း တွင်ကျယ်လာခဲ့ရာက လွတ်လပ်ရေးရသည့်အ ခါ ပြည်ထောင်စုကြီးကို ပြည်ထောင်စု ဗမာနိုင်ငံ မခေါ်ပဲ ပြည်ထောင်စု မြန်မာနိုင်ငံဟု ဘာ့ကြောင့်ခေါ်လိုက်မှန်း မသိရကြောင်း သူ ကိုယ်တိုင် သဘောမပေါက်သည့်ကိစ္စကို ၀န်ခံပြောဆိုကာ ထိုကိစ္စနောက်ကွယ်တွင် လျှို့ဝှက်ချက်တခု ရှိနေကြောင်းနှင့် ထိုလျှို့ ၀ှက်ချက်ကို မည်သူက ဖော်ထုတ်ပေးမလဲဟု မပီမသ အကူအညီတောင်းလိုက်သည်။ ထိုကိစ္စကို ရှင်းနိုင်သူမှာ ၂၁ရာစု၏ သူရဲ ကောင်းဖြစ်ရုံတွင်မက၊ လက်ရှိ မြန်မာနိုင်ငံ၏ ကယ်တင်ရှင်ဖြစ်လာလိမ့်မည်ဟုလည်း တရားလွန် ဆိုလိုက်သည်။ ထို့နောက် ထို ကိစ္စ၏နောက်ကွယ်၌ရှိသော လျှို့ဝှက်ချက်ကို ဖော်ထုတ်နိုင်ရေး သဲလွန်စကို ပြောပြန်သည်။ နောက်ပိုင်းမှာတော့ စစ်အုပ်စု ရေးဆွဲ ထားသည့် အခြေခံဥပဒေကို ထိုကိစ္စ၏ လျှို့ဝှက်ချက်ကြီးအဖြစ် မ၀ံ့မရဲ လုံးချလိုက်ပြီး ဗမာနှင့် မြန်မာဟူသော အသုံးအနှုန်း နှစ်မျိုး ၏ မူလဇာတ်မြစ် အရင်းခံ ပြဿနာကို ရှာမနေတော့ပဲ ဖက်ဒရယ်ပြည်ထောင်စုဥပဒေကို အသက်သွင်းနိုင်ရေး နယ်စပ်ဒေသတွေ ကို စည်းရုံးလျက် ဖက်ဒ ရယ်အစိုးရနှင့် ဖက်ဒရယ်တပ်မတော်တခု ထူထောင်ကာ စစ်အုပ်စုအား ဘက်ပေါင်းစုံမှ ထိုးစစ်ဆင်ဖို့ရန် တိုက်တွန်းထားသည်။ သို့ရာတွင် သူ့ဦးတည်ချက်က စစ်အုပ်စုကိုယ်တိုင် ပြောလာမည့် သုံးပွင့်ဆိုင် တွေ့ဆုံဆွေးနွေးရေး ဖြစ်နေ သည်။

စစ်အုပ်စုကို တိုက်ခိုက်ပြီဆိုကတည်းက မထိတထိ လုပ်၍မရ။ အတွေးအခေါ် မပြတ်သား၍လည်း မရ။ အဖန်ဖန် အခါခါ ကြုံတွေ့ခဲ့ ရပြီးဖြစ်သည့် အတွေ့အကြုံများအရ စစ်အုပ်စုနှင့် ဆွေးနွေးညှိနှိုင်းစရာလည်း အကြောင်းမရှိ။ ဘက်ပေါင်းစုံမှ ထိုးစစ်ဆင်ပြီ ဆို သည်နှင့် လူထုကြီး၏ အားနှင့် လူထုဘက်သား တပ်မတော်သားကောင်းများ၏ အားကိုပါ ရရှိလာမည်ဖြစ်ရာ စစ်အုပ်စုပျက်သုဉ်း ရေးသည်သာ စစ်မှန်သော ငြိမ်းချမ်းရေးနှင့် စစ်မှန်သော ပြည်နယ်ပေါင်းစု ပြည်ထောင်စုတည်ဆောက်ရေးအတွက် အဆင့်တဆင့် ဖြစ်ပေလိမ့်မည်။
ယမဓောအောင်စိန်က ဗမာနှင့် မြန်မာကိစ္စ လျှို့ဝှက်ချက်ကို မည်သူက ဖော်ထုတ်ပေးမလဲဟု မပီမသ အကူအညီတောင်းသည်ပင် ဖြစ်စေ၊ ထိုအသုံးအနှုန်းနှစ်မျိုး၏ အရင်းခံပြဿနာကို ရှာမနေပါနှင့်တော့။ ပြန်လည်ပိတ်ပင်သည်ပင်ဖြစ်စေ၊ ကျနော့်အနေဖြင့် ဤ ကိစ္စကို မဖြစ်မနေ ဖော်ထုတ်ရှင်းလင်းရပေတော့မည်။
လွန်လေပြီးသော နှစ်ပေါင်းများစွာကတည်းက သဘောပေါက် သိမြင်ထားခဲ့ပြီးဖြစ်သည့် ဗမာနှင့် မြန်မာဟူသော ဝေါဟာရ အသုံး အနှုန်းများ၏ ကွဲပြားခြားနားမှုကို အများပြည်သူတို့အား ရှင်းလင်းပြောပြရန်မှာ ကျနော့်အတွက် အပမ်းကြီးသည့် ကိစ္စမဟုတ်။ အသိမဲ့မှု အမှောင်တိုက်အတွင်း မလိမ့်တပတ် သွတ်သွင်းခံရကာ နှစ်ရှည်လများ အဓမ္မ ဖိနှိပ်ပိတ်ပင်မှုများကို ကြုံနေရသည့် ဗမာ နိုင်ငံ လူထုကြီးတရပ်လုံးအား ဤကိစ္စနှင့် ပတ်သက်၍ ရှင်းပြဖို့ကို သမိုင်းပေးတာဝန်တရပ်အဖြစ် ကျနော် ခံယူထားသည်။
ဤကိစ္စကို ရှင်းလင်းပြီး ပြည်သူလူထု တကယ်တမ်း လိုက်ပါလျှောက်လှမ်းကြရမည့် လမ်းကြောင်းမှန်ကို ပြသလိုက်ရုံမျှဖြင့် ကျနော့်အား ဧရာမ ၂၁ရာစု သူရဲကောင်းအဖြစ်သော်လည်းကောင်း၊ ဗမာတပြည်လုံး၏ အာဂ ကယ်တင်ရှင်ကြီးအဖြစ်သော်လည်း ကောင်း မြှောက်ပင့်ကင်ပွန်းတပ်စရာ မလို။ နှစ်ကာလ ကြာရှည်စွာ မရှင်းမလင်းဖြစ်ခဲ့သည့် ဤကိစ္စကို ရှင်းလင်းရန် အစဖော်ပေး လိုက်သည့်အတွက်မူ ယမဓောအောင်စိန်အား ကျေးဇူးတင်ရမည် ဖြစ်၏။
ယမဓောအောင်စိန်က မြန်မာအသုံးအနှုန်းနှင့် ပတ်သက်၍ သဘောထား မတူညီသော အစုအဖွဲ့သုံးဖွဲ့ကို ဖော်ပြသွားသေးသည်။ အာဏာတည်မြဲရေးအတွက် လုပ်တဲ့အဖွဲ့၊ လူ့အခွင့်အရေးအတွက် တိုက်တဲ့အဖွဲ့၊ လူမျိုးတန်းတူရေးအတွက် တိုက်တဲ့အဖွဲ့။ နအဖ စစ်အုပ်စုက မြန်မာဟု သုံးသည်။ ဒုတိယအုပ်စုကမူ ဗမာ အသုံးအနှုန်းကို နှစ်သက်၏။ တိုင်းရင်းသားအစုအဖွဲ့ကတော့ သူတို့နှင့်မ ဆိုင်သလို လျစ်လျူရှုနေ၏ ဟု ယမဓောအောင်စိန်က ဆိုထားသည်။ မှား၏။ ဗမာပြည်ဟူသော အသုံးအနှုန်းကို သုံးကြသူတွေရှိ သလို၊ နိုင်ငံကော လူမျိုးကိုပါ မြန်မာဟုသာ သုံးနေကြသော ဒီမိုကရေစီသမားတွေ များစွာ ရှိ၏။ တိုင်းရင်းသားတွေထဲမှာလည်း မြန်မာ အသုံးအနှုန်းအပေါ် မကြိုက်မနှစ်သက်သူတွေရှိသလို သဘောမပေါက်စွာ သုံးစွဲနေကြသူတွေလည်း ရှိနေ၏။
လက်ရှိအခြေအနေ၌ အချို့သော ဒီမိုကရေစီရေး လှုပ်ရှားသူများထဲတွင် တိုင်းရင်းသားတို့၏ အရေးကိစ္စကို မှန်ကန်စွာ နားလည်သိ မြင်လာကြသူတွေ ရှိသလို မသိယောင်ဆောင်ကာ ဇွတ်မှိတ်ပြီး အမှားကို အမှန် လုပ်နေကြသော ကိုယ်ကျိုးကြည့်သူတွေလည်း ရှိ ၏။ တိုင်းရင်းသားတွေထဲမှာလည်း မိမိတို့အရေးကို မှန်ကန်စွာ သဘောပေါက်ကြသူတွေ ရှိသကဲ့သို့ ဒီမိုကရေစီ အရေခြုံသမားအ ချို့လို ကိုယ်ကျိုးငဲ့သူတွေ၊ ၀ါးလုံးခေါင်းထဲ လသာကာ ငါတကောကောချင်သူတွေ အတော်ကလေး ရှိ၏။ ထိုသူများ သဘော ပေါက်သိမြင်လာစေရန် ရှင်းလင်းတင်ပြရမည့် ကိစ္စမှာ ကျနော့်အတွက် အပမ်းမကြီးဟု ဆိုသော်လည်း ခပ်ပေါ့ပေါ့ကိစ္စတော့ မ ဟုတ်။ ဤကိစ္စနှင့် တဆက်တည်းမှာပင် စကားဟဟ မပြောရဲခဲ့ကြသော ဖက်ဒရယ်ပြည်ထောင်စုကိစ္စ၊ တိုင်းရင်းသားများ၏ ကိုယ် ပိုင်ပြဌာန်းခွင့်ကိစ္စ၊ တမင်ပင် ဝေတေ၀ါးတား လုံးတုတ်ခံနေရသည့် အကြွင်းအကျန် အာဏာကိစ္စတို့လည်း ပါရှိလာမည် ဖြစ်သည်။
ပါလီမန်ဒီမိုကရေစီခေတ်မှစ၍ မပီမပြင် ဖြစ်လာခဲ့သော ဤကိစ္စမှာ ဗိုလ်နေ၀င်း တော်လှန်ရေးကောင်စီခေတ်၊ မဆလခေတ်များမှ သည် န၀တ-နအဖ ခေတ်သို့တိုင် နှစ်ကာလကြာရှည်စွာ အမှန်ကို အမှား၊ အမှားကို အမှန်လုပ်ကာ လိမ်ညာလှည့်ဖျား ဖုံးဖိပိတ်ပင် ဖျောက်ဖျက်မှုများ၊ ဆက်လက် မှိုင်းတိုက်ဝါဒဖြန့်မှုများဖြင့် အတော်ကြီး ကျယ်ပြန့်စွာ နေရာယူလာခဲ့ပြီဖြစ်ရာ ဤသို့ လူထုတရပ် လုံးသာမက ကမ္ဘာကိုပါ မိုးခါးရေသောက်ခိုင်းမှုအား ချေဖျက်ဆေးကြောသင့်ပြီဟု ယူဆသောကြောင့် ဤအခန်းဆက် ဆောင်းပါး ကို လအနည်းငယ်မျှ ရေးသားဖော်ပြရတော့မည် ဖြစ်လေသည်။
စာသွားစာလာကို ကြည့်ခြင်းအားဖြင့် ယမဓောအောင်စိန်သည် ဗမာ-မြန်မာ ကိစ္စနှင့် ဆက်နွယ်ပတ်သက်နေသော ပြဿနာများ အပေါ် အတန်အသင့် သိထားသူဖြစ်ကြောင်း တွေ့ရှိရသည်။ သို့ရာတွင် ပီပြင်ရှင်းလင်းစွာ နားလည်သဘောပေါက်မှုတော့ မရှိ သေး။ ထို့ကြောင့် ဤဆောင်းပါးတွင် ယမဓောအောင်စိန် အစဖော်ပေးခဲ့သော အကြောင်းအရာများနှင့် သူ၏ အတွေးအမြင်တချို့ အပေါ် တည့်မတ်ရှင်းလင်းချက်များကိုပါ အလျဉ်းသင့်သလို ဖော်ပြသွားမည် ဖြစ်သည်။
ရိုးရိုးသားသား မသိနားမလည်စွာ အယူအဆ မှားခဲ့သူများ၊ မဆလခေတ် တက္ကသိုလ်နှင့် အထက်တန်း၊ အလယ်တန်း၊ မူလတန်း ဆရာ ဆရာမများ အပါအ၀င် ၎င်းတို့ကတဆင့် သင်ကြားပို့ချပေးမှုကို ခံခဲ့ရသော န၀တခေတ် ဆရာ ဆရာမများနှင့် ၎င်းတို့၏ တပည့်တပမ်းများအားလုံး၊ နှစ်ကာလကြာရှည်စွာ လိမ်ညာလှည့်ဖျား ရိုက်သွင်းခံခဲ့ရသည့် စစ်အုပ်စု လက်အောက်ခံ တပ်မှူးတပ် သားများအားလုံး၊ တော်လှန်ရေးသမားယောင်ယောင်၊ နိုင်ငံရေးသမားယောင်ယောင်၊ ပညာရှင်သင်တန်းဆရာယောင်ယောင်ဖြင့် ပို့ချချက် အမှားများပေးကာ တိုင်းရင်းသားတို့ အရေးကိစ္စအပေါ် သဘောထား စေတနာမမှန်သူများ၊ ရန်သူအားပေးလုပ်ရပ် များဖြင့် အချိန်ဖြုန်းနေကြသူများ၊ အရေခြုံ ဒီမိုကရေစီသမားများ၊ ရောယိမ်းလိုက် ဘသားယိမ်းလိုက် သမားများ၊ နိုင်ငံရေးတတ် ယောင်ကား သမားများနှင့် တမင်ရည်ရွယ်ချက်ဖြင့် အမှားကို အမှန်လုပ်ကာ လူထုအား ဆက်လက်လိမ်ညာ မှိုင်းတိုက်နေကြ သူများအားလုံး ဤဆောင်းပါးဖြင့် အမှန်တရားကို သဘောပေါက် သိမြင်၊ နားလည်ခံယူကာ ဗမာပြည်၏ ပြဿနာအ၀၀ ပီပြင်စွာ ရှင်းလင်းနိုင်ကြ ပါစေသတည်း။
ဗမာနှင့် မြန်မာ
ဗမာနှင့် မြန်မာကို တလွဲအမြင်ဖြင့် ကွဲပြားစွာ သဘောပေါက် မှတ်ယူထားကြသူများ ရှိသလို၊ ဗမာလည်း မြန်မာ၊ မြန်မာလည်း ဗမာ အတူတူပဲဟု ယူဆထားကြသူတွေလည်း ရှိသည်။ ရေးတော့အမှန် ဖတ်တော့အသံ ဆိုသည့်အတိုင်း စာလုံးပေါင်းသတ်ပုံမှန် အောင် ရေးသားသည့်အခါ မြန်မာပြည်၊ မြန်မာလူမျိုးဟုရေး၍ စကားပြောဆိုရာတွင်မူ ဗမာပြည်၊ ဗမာလူမျိုးဟု သုံးနှုန်းသည်မှာ မှန်ကန်ကြောင်း ခံယူထားကြသူတွေလည်း ရှိသည်။ ၎င်းတို့အားလုံး မှား၏။ အချို့က ဗမာလူမျိုးဆိုသည်မှာ ဗမာအမျိုးသား တမျိုး သားတည်းကို ဆိုလိုခြင်းဖြစ်ပြီး မြန်မာလူမျိုးဆိုသည်ကတော့ မြန်မာနိုင်ငံအတွင်းရှိ တိုင်းရင်းသားလူမျိုးများ အားလုံးကို ပေါင်းရုံး ခေါ်ဆိုသည့် အမည်ဖြစ်သည်ဟု လွဲမှားစွာ နားလည်ထားကြသည်။
စာပေ၊ ဗဟုသုတ ခေါင်းပါးသူများ မီဒီယာလိုင်းတွင် ၀င်ရောက်နေရာယူလာသည်မှာ အနာဂတ်တိုင်းပြည်ကို ဦးဆောင်ဦးရွက်ပြု ကြရမည့် လူငယ်ထုအတွက် အန္တရာယ်ပင် ဖြစ်သည်။ စဉ်းစားဆင်ခြင်ဥာဏ် နည်းပါးသော ဦးဏှောက်တွင်းသို့ အတွေးအခေါ်၊ အယူအဆ အမှားများ ၀င်ရောက်သွားနိုင်သောကြောင့် ဖြစ်၏။ လွန်ခဲ့သည့် နှစ်အနည်းငယ်က အာရ်အက်ဖ်အေမှ ဆောင်းပါးရှင် မေစာ ဆိုသော မိန်းမရွယ်တယောက်က ဗမာ-မြန်မာ အသုံးအနှုန်းနှင့် ပတ်သက်၍ ငါ့စကားနွားရ ပြောသွားသည်ကိုလည်း စိတ်မ ချမ်းသာစွာ ကြားခဲ့ရသည်။ သဘောထား စေတနာ မမှန်ကန်သောကြောင့် အသံက ကျက်သရေမရှိသည့်အပြင် အတွေးအမြင် လွဲမှားစွာ ထိကပါး ရိကပါး ပြောသွားသည့် အကြောင်းအရာတွေကလည်း အနှစ်သာရ ကင်းမဲ့နေ၏။
“အင်္ဂလိပ်လို ရေးတဲ့ပြောတဲ့အခါ မြန်မာလို့ပဲ သုံးပါ။ ဘားမားလို့ မသုံးပါနဲ့။ ဒီလို သတ်မှတ်ချက် ချထားပါတယ်။ ဒီအထိ မေစာတို့ ဘာမှငြင်းစရာ မတွေ့လှပါဘူး။ ကိုယ့်နိုင်ငံပဲ ပီပီသသခေါ်တာ ကြိုက်တာပေါ့။ ဒါ့ကြောင့် ဘယ်အချိန် ဘယ်ဒေသ ဘယ်သူက ခေါ် စေခေါ်စေ ဘားမားဆိုတာကြီးက မပီမသခေါ်တဲ့ အသံကြီးပဲ။”ဟု သူမက ဆိုသည်။ ဒေါ်အောင်ဆန်းစုကြည်နှင့် အင်တာဗျူးတခု တွင် ဤနိုင်ငံကို ဘယ်လိုမျိုး ခေါ်စေလိုကြောင်းမေးရာ ဒေါ်အောင်ဆန်းစုကြည်က “ဘားမားပါ”ဟု ဖြေဆိုသွားခဲ့သည်ကို အမှတ်ရ မိသည်။
တိုင်းပြည်ကို မြန်မာပြည်ဟုခေါ်၍ အများစုဖြစ်နေသည့် လူမျိုးကြီးကို ဗမာလူမျိုးဟု ခေါ်စေဟု အာဏာပိုင်တွေက ပြဌာန်းကြောင်း လည်း သူမက ပြောသွားသေးသည်။ ဘယ်အာဏာပိုင်တွေက ဘယ်တုန်က ဘယ်မှာ ပြဌာန်းတာလဲ ဆိုတာကိုတော့ မဖော်ပြ။ ၁၉၄၇၊ ၁၉၇၄၊ ၂၀၀၈ မည်သည့်ဖွဲ့စည်းပုံ အခြေခံဥပဒေ စာအုပ်ထဲတွင်မျှ ထိုပြဌာန်းချက် မပါရှိ။ “တိုင်းပြည်ကို မြန်မာပြည်၊ လူမျိုး လည်း မြန်မာလူမျိုးဆိုလျှင် တိုင်းရင်းသားတွေအပေါ် မလိမ့်တပတ် လုပ်ရာကျမှာပေါ့”ဟုလည်း သူမက ဆိုသည်။ ဖဆပလ၊ မဆလ၊ နအဖတို့ ပြောင်ပြောင်ကြီး မလိမ့်တပတ်လုပ်နေခဲ့သည်ကို ထိုမိန်းမက ပြောင်ပြောင်ကြီး လိမ်ညာဖုံးကွယ်လိုက်ခြင်းသာ ဖြစ်သည်။ တကယ့်အဖြစ်မှန်သည် ထိုမိန်းမအပြောနှင့် ဆန့်ကျင်ဘက် ဖြစ်၏။ တိုင်းပြည်ကို ဗမာပြည်ဟုခေါ်ပြီး အများစုဖြစ် သည့် လူမျိုးကြီးကို မြန်မာဟု ခေါ်စေခြင်းသည်သာ တကယ့်အမှန်တရားနှင့် ကိုက်ညီမည် ဖြစ်လေသည်။
ပထမ သက်သေ
တကယ်တော့ ဗမာ ဆိုသည်မှာ ၁၉၃၀ပြည့်နှစ် မတိုင်မီ အထက်ကျော်ကာရီက “မြန်မာ” အများအပြားပင် မိမိတို့ကိုယ် မိမိတို့ “ဗမာ”ဟူ၍ ခေါ်ဝေါ်သုံးစွဲခဲ့ခြင်းမှအပ မည်သည့် သမိုင်းမှတ်တမ်းတွင်မျှ မရှိခဲ့ဘူးသော အမည်ဖြစ်သည်။ အချို့ပုဂ္ဂိုလ်များက လည်း အာဓကပ္ပ ကမ္ဘာဦးကျမ်းအရ လူသည် ဗြဟ္မာက ဆင်းသက်သည်ဟူသောအယူဖြင့် ဗြဟ္မာလူမျိုးဟုခေါ်ရာမှ ဗြဟ္မာကို သရ ချေပြီး ဗမာဟူ၍ ဖြစ်လာခဲ့ကြောင်း ပြောဆိုကြသည်။ ဤသည်မှာ ပါးစပ်ရာဇ၀င်မျှသာဖြစ်ပြီး သမိုင်းကြောင်းအရမူ ခိုင်မာသည့် သက်သေအထောက်အထားတခု မဟုတ်နိုင်ချေ။ မြန်မာဟူသော အမည်ကိုသာ စာလုံးပေါင်းသတ်ပုံ အမျိုးမျိုးဖြင့် လွန်ခဲ့သော နှစ် ပေါင်း ၉၀၀ခန့်က အစပြု၍ ကျောက်စာမင်စာတို့တွင် တွေ့လာခဲ့ရကြောင်း သိရှိရသည်။ ဗမာဟူ၍ မရှိ။ ရှင်းရှင်းဆိုရလျှင် ဗမာ သည် သခင်ဘသောင်း ဦးစီးတည်ထောင်ခဲ့သော တို့ဗမာအစည်းအရုံးသမိုင်း စာမျက်နှာ ၁၃၃နှင့် ၂၁၅တို့တွင် တို့ဗမာဟု အ ဘယ့်ကြောင့် သုံးနှုန်းရပုံ၊ ဗမာဟူသော အသုံးအနှုန်းနှင့် ပတ်သက်၍ ရှင်းလင်းချက်နှင့် ဗမာပြည်ဟူသော အခေါ်အဝေါ်အပေါ် တို့ဗမာ အစည်းအရုံးဝင် သခင်အများစု၏ သဘောထား စေတနာကို ဖော်ပြထားသည်။ တို့ဗမာအစည်းအရုံးသမိုင်းမှာ ဗမာနိုင်ငံ အနယ်နယ်အရပ်ရပ်မှ ရာနှင့်ချီသော တို့ဗမာအစည်းအရုံးဝင်များ ပါဝင်သည့် သမိုင်းပြုစုရေးအဖွဲ့က ကော်မတီဖွဲ့လျက် ၁၉၆၄ခု နှစ်မှ ၁၉၆၇ ခုနှစ်အထိ အချိန်ယူပြုစုခဲ့သော အားထားလောက်ဖွယ်ရာ သမိုင်းတစောင်ဖြစ်ရာ ထွက်ရှိပြီး လများမကြာမီမှာပင် မဆလ၏ ပိတ်ပင်ခြင်းခံခဲ့ရသည့် စာအုပ်ဖြစ်သည်။ အထက်ဖော်ပြပါ စာမျက်နှာတို့မှ စာပိုဒ်အချို့ကို မူရင်းစာလုံးပေါင်း သတ်ပုံ များအတိုင်း ဖော်ပြပါမည်။
“တို့ဗမာ အစည်းအရုံး”ဟူရာ၌ တို့ဗမာပြည်ထဲ၌ရှိသော လူမျိုးအားလုံးကို ကိုယ်စားပြုသည့် အဓိပ္ပါယ်ဖော်ဆောင်ခြင်း အထိမ်းအ မှတ်အဖြစ် “တို့ဗမာ”ဟု ခေါ်ဝေါ်သုံးနှုန်းခြင်း ဖြစ်သည်။ မြန်မာဟူသောစကားမှာ မြန်မာ၊ မာသည် ဟူသော အဓိပါယ်ကို ဆောင် သော်လည်း နှာသံပါ၍ ဘောင်ကျဉ်းသည်။ အားနည်းသည်။ ရှမ်း၊ ကရင်၊ ချင်း၊ ကချင်၊ မွန်၊ ရခိုင်၊ ပလောင်၊ တောင်သူ၊ ဆလုံ၊ နာဂ၊ မြန်မာ စသော ဗမာတိုင်းရင်းသားအားလုံးကို ခြုံ၍ ငုံမိစေရန် “ဗမာ”ဟူသော စကားလုံးကို ရွေးသည်။ အသံထွက် မာကျော ၍ သုံးစွဲသည်။ တဖန် “ဘ”ကုန်းနှင့် “ဘမာ”ဟု မရေးဘဲ “ဗ”လချိုက်နှင့် ရေးခြင်းမှာလည်း “ဘ”သည် ရံဖန်ရံခါ “ဖ”သံထွက်သ ဖြင့် စိတ်မချရသောကြောင့် “ဗ”လချိုက်နှင့် “ဗမာ”ဟု ရေးသည်။ (တို့ဗမာအစည်းအရုံးသမိုင်း၊ ခေတ်သစ်လူငယ်တစုနှင့် တို့ဗမာ ၀ါဒအစ၊ စာ ၁၃၃)
တို့ဗမာအစည်းအရုံးသည် မူလ တည်ထောင်စဉ်မှစ၍ သမိုင်းတလျှောက်လုံး လူမျိုးစုအားလုံး၏ ညီညွတ်ရေးကို အလေးပေးခဲ့ ကြောင်း၊ “တို့” ဟူသောစကား၊ “ဗမာ” ဟူသောစကား၊ “ဗမာနိုင်ငံ၊ ဗမာပြည်” ဟူသောစကားတို့ကို တီထွင်၍ တိုင်းရင်းသားစစ် စစ်ဟူသော အမည်နာမ တပ်ဆင်ခဲ့ခြင်းဖြင့် သိသာထင်ရှားပေသည်။
သခင်များက မြန်မာနိုင်ငံ၊ မြန်မာပြည် ဆိုသောစကားမှာ မြန်မာလူမျိုးများ နေထိုင်သော မြန်မာနိုင်ငံဟု အဓိပ္ပါယ်ရောက်သည်။ မြန်မာနိုင်ငံဆိုသည်မှာ မြန်မာပဒေသရာဇ်များက ပေးသောနာမည် ဖြစ်သည်။ မမှန်ကန်။ ဗမာနိုင်ငံသည် မြန်မာလူမျိုးတမျိုးတည်း နေထိုင်သော နိုင်ငံမဟုတ်။ ကချင်၊ ကရင်၊ ကယား၊ ချင်း၊ တောင်သူ၊ ပအိုး၊ ပလောင်၊ မွန်၊ မြန်မာ၊ ရခိုင်၊ ရှမ်း စသော တိုင်းရင်း သားလူမျိုးပေါင်းစုံ နေထိုင်သောနိုင်ငံ ဖြစ်သည်။ ထို့ကြောင့် မြန်မာနိုင်ငံ မြန်မာပြည်ဟု မသုံး။ ဗမာနိုင်ငံ၊ ဗမာပြည်ဟု သုံးသည်။ သို့မှသာ ညီညွတ်မှန်ကန်မည်။ ဗမာနိုင်ငံတွင် နေထိုင်ကြသော တိုင်းရင်းသားအားလုံးကို ဗမာဟု ခေါ်သည်။ ထို့ကြောင့်ပင် တို့ဗမာ သီချင်းတွင် “တို့ဗမာ …၊ ဟေ့ … တို့ဗမာ၊ ဗမာပြည်တ၀ှမ်းအကုန် တို့အိမ်မှတ်ပါ။ တို့ယာမှတ်ပါ၊ အဲဒါ “တို့ဗမာ”ဟု ထည့် သွင်းသီဆိုခဲ့ကြသည်။ “မြစ်ကြီးနားမှ တို့ဗမာတယောက် အစော်ကားခံရလျှင် ယေး၊ မြိတ်၊ ထားဝယ်မှ တို့ဗမာများက ဆတ်ဆတ် ခါအောင် နာကြပါ”ဟု ဟောပြောခဲ့ကြသည်။ (တို့ဗမာအစည်းအရုံးသမိုင်း၊ လူမျိုးစုများ သွေးစည်းညီညွတ်ခြင်း၊ စာ ၂၁၅)
ထိုစာမျက်နှာတွင် အောက်ခြေမှတ်စုအဖြစ် မဆလ၏ ဇွတ်အတင်း မလိမ့်တပတ်လုပ်မှုကို အောက်ပါအတိုင်း ဖော်ပြထားသည်။
ဗမာ သို့မဟုတ် မြန်မာဟူသော အသုံးအနှုန်းအတွက် ပြည်ထောင်စုဆိုရှယ်လစ်သမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေ နှင့်ပတ်သက်သော အဓိပ္ပါယ် ရှင်းလင်းချက်များ စာတမ်း၊ စာမျက်နှာ ၁၈ အောက်ဆုံးပိုဒ်တွင် အောက်ပါအတိုင်း ရှင်းလင်းထားပါ သည်။
ပြည်ထောင်စု ဆိုရှယ်လစ်သမ္မတမြန်မာနိုင်ငံတော်ဟု ခေါ်ထားခြင်းမှာ တိုင်းရင်းသားလူမျိုးစုံတို့ စုပေါင်းနေထိုင်သည့် ပြည်နယ် နှင့် တိုင်းများ ဖွဲ့စည်းထားသော ပြည်ထောင်စုနိုင်ငံဖြစ်ကြောင်း၊ သမိုင်းစဉ်တလျှောက် မြှော်မှန်းခဲ့ကြသည့် ဆိုရှယ်လစ်စနစ်ကို မြဲမြံခိုင်မာစွာ တည်ဆောက်ကျင့်သုံးသွားမည့် နိုင်ငံဖြစ်ကြောင်း၊ ဘုရင်စံနစ်ဖြင့် အုပ်စိုးသော နိုင်ငံမဟုတ်ဘဲ လုပ်သားပြည်သူတို့ အာဏာပိုင်စိုးသော နိုင်ငံဖြစ်ကြောင်းနှင့် တိုင်းရင်းသားလူမျိုးများကို သိမ်းကျုံးပေါင်းရုံး၍ ခေါ်ဆိုသည့် မြန်မာဟူသော လူမျိုးများ မှီတင်းနေထိုင်ရာ နိုင်ငံတော်ဖြစ်ကြောင်း ပေါ်လွင်ထင်ရှားစေရန် ဖြစ်သည်။
အထက်ပါစာတွင် တို့ဗမာအစည်းအရုံးက “ဗမာ”ဟူသော ဝေါဟာရနှင့် ပတ်သက်၍ ရှင်းလင်းဖော်ပြသလိုမျိုး “မြန်မာ”ဟူသော အ သုံးအနှုန်းအပေါ် သေချာကျနစွာ အကျိုးသင့်အကြောင်းသင့် ရှင်းလင်းဖော်ပြထားခြင်း မရှိချေ။ ကျင့်သုံးအုပ်ချုပ်မည့်ပုံစံကို မဆီမ ဆိုင် ဖော်ပြကာ ဘာ့ကြောင့် တိုင်းရင်းသားလူမျိုးများ အားလုံးကို မြန်မာဟု သိမ်းကျုံးပေါင်းရုံးခေါ်ဆိုရကြောင်း မရှင်းဘဲ မြန်မာနိုင် ငံဟု ဇွတ်အတင်း ခေါ်ဝေါ်လိုက်ခြင်းသာဖြစ်ကြောင်း တွေ့ရှိရမည် ဖြစ်သည်။
(ဆက်လက် ဖော်ပြပါမည်။)



အပြည့်အစုံသို့ ....

ခေါင်းဆောင်မှု၏ အနက်အဓိပ္ပာယ်ကိုရှာဖွေခြင်း

(က)

ခေါင်းဆောင်မှု သို့မဟုတ် Leadership ဆိုသော စကားလုံးကို နေရာ အတော်များများတွင် လူတိုင်း နီးပါးလောက် ကြားဖူးကြမည် ဖြစ်သည်။ နေရာဒေသ ကို လိုက်၍ ကြားပုံ ကြားနည်း ကွာခြားမည်။ အချိန်အခါနှင့် လူပုဂ္ဂိုလ် ပေါ် မူတည်၍ မြင်ပုံ မြင်နည်း ကွာခြားမည်။ မည်သို့ပင်ဖြစ်စေ ခေါင်းဆောင်မှု ဆိုသော ဝေါဟာရ တစ်ရပ်သည် လူ့လောက၊ လူ့ အဖွဲ့အစည်း အတွင်း ပုံသဏ္ဍာန်အမျိုးမျိုးဖြင့် ရပ်တည် လုပ်ဆောင်နေကြသော လူစုလူဝေး၊ အဖွဲ့အသင်း နှင့် လူမျိုး၊ နိုင်ငံ အစရှိသည့် အရာအားလုံးတို့ အတွက် မရှိမဖြစ် အရေးကြီးသော အရာတစ်ခု ဖြစ်ခြင်းကိုမူ ကမ္ဘာဦးကတည်းက လူသားတို့ လက်ခံ လာခဲ့ကြပြီး ဖြစ်၏။

(ခ)

စာဆန်ဆန်၊ ဟိုအချက် ဒီအချက်များအား ကိုးကား မပြောမှီ ခေါင်းဆောင်ကောင်း တစ်ယောက်၏ အင်္ဂါရပ်များကို မိမိကိုယ်တိုင် မိမိ ဆန္ဒများပေါ်တွင် အခြေတည်၍ စိတ်ကူး သတ်မှတ် ကြည့်နိုင်သည်။

ပထမဆုံး အချက် အနေဖြင့် ခေါင်းဆောင်ဟူသည် အားလုံးတို့ထက် လူမှုရေး၊ စီးပွားရေး၊ နိုင်ငံရေး တို့တွင် အမြင် ကျယ်ပြန့် နှံ့စပ်သူ ဖြစ်ရမည်။ ယေဘူယျ ဆန်အောင် ပြောလိုက်ခြင်း ဖြစ်၏။ ဆိုလိုရင်းမှာ ခေါင်းဆောင် နှင့် ခေါင်းဆောင်လုပ်သူ အဖွဲ့အစည်း၏ သက်ဆိုင်ရာ နယ်ပယ်တွင် အမြင်ကျယ်ကျယ် ပြန့်ပြန့် ရှိရန်ကို ဆိုလိုခြင်း ဖြစ်သည်။ ခေါင်းဆောင်လုပ်သူ ကိုယ်တိုင်ကမှ နွားခြေရာခွက်ထဲလောက် ကို မျက်စိတစ်ဆုံး ကြည့်ရှုနေလျင် နောက်လိုက် အပေါင်းတို့ကား စုံလုံးကန်းရန်သာ ရှိတော့၏။

ဒုတိယ အချက်အနေဖြင့် မိမိသိသကဲ့သို့၊ မိမိမြင်သကဲ့သို့ အမြင်များအား မိမိနောက်လိုက် အပေါင်းတို့အား သိရှိနားလည် လာအောင်၊ မြင်တတ်၊ ကြည့်တတ်လာအောင် ပြောဟောခြင်း၊ သင်ကြား ပြသခြင်း၊ ကြည့်ရှု စောင်မခြင်း တို့အား ပြုလုပ်သင့်၏။ သို့မဟုတ်လျင် မိမိနှင့် နောက်လိုက်တို့ကြား အမြင် မတူညီမှုကြောင့် မည်သည့်အခါမှ နားလည်မှု၊ သဘောတူညီမှု ရရှိလိမ့်မည် မဟုတ်ပဲ ထို အဖွဲ့အစည်းသည်လည်း မည်မျှပင် အင်အားကြီးမားသည်ဖြစ်စေ စုံးစုံးမြုပ်၊ ကျရှုံး လိမ့်မည်သာ ဖြစ်၏။

တတိယ အချက်အနေဖြင့် ခေါင်းဆောင်ဟူသည် မည်သည့် အခြေအနေ၌ မဆို အဖွဲ့အစည်း၏ အကျိုးစီးပွား အပေါ်တွင် အမြဲသစ္စာရှိပြီး၊ အစဉ်သရွေ့ ရိုးသားဖြောင့်မတ်ကာ တည်ကြည်မှု ဂုဏ်သိက္ခာနှင့် ရဲရင့်ပြည့်စုံသူ ဖြစ်ရမည်။ အဖွဲ့အစည်း ဆိုရာတွင် Company တစ်ခုဆိုလျင်လည်း Company တစ်ခုအလျောက်၊ အဖွဲ့အသင်း ဆိုလျင်လည်း အဖွဲ့အသင်း အလျောက် နောက်ဆုံး နိုင်ငံ၊ ကမ္ဘာနှင့် ချီကာ သူ၏ တာဝန်ခံရမှု၊ တာဝန်ယူရမှု တို့အပေါ်တွင် မူတည်၍ အဆိုပါ အဖွဲ့အစည်း၊ မြို့ပြ၊ နိုင်ငံ၊ ကမ္ဘာ တစ်ခုလုံး အပေါ်တွင် ရဲရဲ ရင့်ရင့် သစ္စာရှိသူ ဖြစ်ရမည် ဟု ဆိုလို၏။ လိုတစ်မျိုး၊ မလိုတစ်မျိုး၊ လိုအပ်သလိုထားသော သစ္စာနှင့် ရိုးဖြောင့်မှုကို အသုံးချကာ ကိုယ်ကျိုးရှာခြင်း၊ သူရဲဘောကြောင်ခြင်းသည် ခေါင်းဆောင်သူ၏ အင်္ဂါရပ်မဟုတ်ပေ။

(ဂ)

ဤနေရာတွင် တစ်ချက်ကို မြှုပ်ထားခဲ့သည်ကို တွေးတောကြည့်နိုင်သည်။ အချို့သော ခေါင်းဆောင်မှု၏ အရည်အချင်းနှင့် ပတ်သက်၍ အဓိပ္ပာယ် ဖွင့်ဆိုသူများက ခေါင်းဆောင်ဟူသည် အများ လေးစားဖွယ် ဖြစ်သော သူတစ်ဦး ဖြစ်ရမည် စသည်ဖြင့် သတ်မှတ်ကြသည် များကိုလည်း ဖတ်ရှုလေ့လာဖူးခဲ့၏။ အမှန်တွင် ရိုးသားဖြောင့်မတ်ခြင်း၊ မိမိ၏ သက်ဆိုင်ရာ လူ့ဘောင် အဖွဲ့အစည်းအပေါ်တွင် အမြဲသစ္စာရှိခြင်းနှင့် ကိုယ်ကျိုးမကြည့်၊ ရဲရင့်စွန့်စားခြင်း စသော အင်္ဂါရပ်များတို့ တစ်ဆက်တစ်စပ်တည်း ပြည့်စုံနေလျင်ပင် ထိုကဲ့သို့သော လူမျိုး၌ လူတိုင်းလေးစားဖွယ်ရာ အရည်အချင်းများ အလိုအလျောက် ရှိလာမည်မှာ မလွဲဧကန်ပင် ဖြစ်ပြီး ထိုကဲ့ သို့သော ခေါင်းဆောင် ကိုယ်၌လည်း လူတိုင်းအား သူ့သွေး၊ ကိုယ့်သား မခွဲခြားပဲ လေးစားစွာ ဆက်ဆံတတ်ခြင်း ဟူသော အရည်အချင်း တစ်ရပ် မုချရှိနေလိမ့် မည်ဖြစ်သည်။

ထိုမှတစ်ပါး မိမိ၏ ကိုယ်ကျိုးစီးပွားအတွက် အသုံးချရန် နောက်လိုက်အဖွဲ့အစည်းနှင့် လူထု၏ လေးစားမှုကို ရရှိအောင် တမင်တကာ လုပ်ယူဖန်တီးခြင်းကား တစ်ဖက်မှ ပြန်စဉ်းစားကြည့်လျင် တစ်ဖက်လှည့်နှင့် လိမ်လည် လှည့်ဖျားဖို့ ကြိုးစားနေခြင်း ပင်ဖြစ်ပြီး ရည်ရွယ်ချက်မှာလည်း ကိုယ်ကျိုးအတွက်သာ ဖြစ်သောကြောင့် ထိုကဲ့သို့ လုပ်ယူသော လေးစားမှုသည်လည်း မည်မျှ ကြာမြင့်စွာ ခံလေမည်နည်း။ ထိုသို့သော လူမျိုးအားလည်း မည်သူက ခေါင်းဆောင်ဟု သတ်မှတ် လေမည်နည်း။

(ဃ)

အမှန်တော့ ခေါင်းဆောင် ဆိုသူများသည်လည်း တစ်သီးတစ်ခြားစီနှင့် တစ်မျိုးတစ်ဘာသာစီ ဖြစ်ထွန်းမွေးဖွားလာသူများ မဟုတ်ကြချေ။ ကိုယ့်ကိုယ်ကို ခေါင်းဆောင်ဟူ၍လည်း မည်သည့် အခါမှ သတ်မှတ်ထားခဲ့ကြသူများ မဟုတ်ကြ။ သူတို့၏ တမင်တကာ လျို့ဝှက်မထားသော လျှို့ဝှက်ချက်များကား အမြင်ကျယ်ပြန့်မှု၊ အစဉ်တစ်စိုက် ရိုးသားရဲရင့်မှု နှင့် ကိုယ်ကျိုးမရှာ လူ့အဖွဲ့အစည်း အပေါ်တွင် အမြဲ သစ္စာ စောင့်သိမှု တို့ပင် ဖြစ်ကြ၏။ အံ့သြဖွယ် မှန်ကန်ချက် တစ်ခုကား အထက်ပါ အချက်သုံးချက် ခန့်ကို လူတိုင်း အသေအချာ၊ ပယ်ပယ်နယ်နယ် လိုက်နာ ကျင့်သုံးနိုင်ကြမည်ဆိုလျင် လူတိုင်း ခေါင်းဆောင် များချည်း သာတည်း။ သို့ဖြစ်၍ ၎င်းကဲ့သို့သော အဖွဲ့အစည်းတွင် နောက်လိုက်ဘယ်မှာနည်း ဟု ဂွကျကျ လည်း ထပ်မံ မေးမြန်းရန် မလိုအပ်။ ထိုကဲ့သို့ လူတိုင်း တည်ကြည် ဖြောင့်မတ်ကာ၊ မိမိသက်ဆိုင်ရာ အဖွဲ့အစည်း၊ လူ့လောကအတွက် သစ္စာရှိသူ၊ ကိုယ်ကျိုးစွန့်လိုသူ ချည်းများသာ ဖြစ်ကြလျင် ထိုသို့သော လောက၊ အဖွဲ့အစည်းအတွင်း တွင် ခေါင်းဆောင်၊ နောက်လိုက်ဟူသည် ဝေါဟာရ တစ်ရပ်အဖြစ်သာ ကျန်ရှိလိမ့်မည် ဖြစ်ပြီး အခြားသော သူသာသည်၊ ကိုယ်နာသည်ဟူသည့် အယူအဆများ၊ အဓိပ္ပာယ်များ သာမန် လူ့အဖွဲ့အစည်းများ အတွင်းမှာကဲ့သို့ အဆိုပါ ဝေါဟာရများ နောက်မှ လိုက်ပါလာရန် မရှိတော့ပေ။

ထိုသို့သော လောက၊ အဖွဲ့အစည်း အတွင်းတွင် အချင်းချင်း လုပ်ကိုင်၊ ပြောဆို၊ ဆက်ဆံ ဆောင်ရွက် ရာတွင်လည်း လူတိုင်း၏ ထားရှိသော အခြေခံစိတ်ဓာတ်များ မြင့်မားမှုကြောင့် ခေါင်းဆောင်မှု ပေးသူနှင့် လိုက်ပါ လုပ်ဆောင်သူတို့ ကြားတွင် ကြီးမားသော ကွာဟ ချက်များ မရှိတော့ပဲ တစ်ဦးနှင့် တစ်ဦး အပြန်အလှန်လေးစားမှု ဖြင့်သာ ပွင့်လင်း၊ လွတ်လပ်စွာ လုပ်ကိုင် ဆောင်ရွက်ကြ ပေလိမ့်မည်။ တစ်ခုတည်းသော ဘုံခံယူချက်နှင့် တစ်ကြောင်းတည်းသော ဘုံရပ်တည်ချက် ဖြစ်သည့် မိမိသက်ဆိုင်ရာ လူ့ဘောင် အဖွဲ့အစည်း၏ အကျိုးစီးပွား အပေါ်တွင် သစ္စာစောင့်သိမှု၊ ကိုယ်ကျိုးမငဲ့မှု ဟူသော အချက်က မည်သူ့ကို မဆို ခေါင်းဆာင် လုပ်ရသည်ဖြစ်စေ၊ နောက်လိုက် လုပ်ရသည်ဖြစ်စေ တူညီသော ကျေနပ်၊ ဝမ်းမြောက်၊ ဂုဏ်ယူမှု ကို ပေးစွမ်းလိမ့် မည်ဖြစ်၏။

(င)

သို့ဖြစ်ရာ ခေါင်းဆောင်မှု၏ နောက်ဆုံး အန္တိမ အဓိပ္ပာယ်ကား အသို့နည်း။ မိမိဦးဆောင်သော လူ့အဖွဲ့အစည်း တစ်ခုလုံးရှိ လူသား အားလုံးကို ခေါင်းဆောင်တို့၏ စိတ်ဓာတ် နှင့် ခေါင်းဆောင်တို့၏ အမူအကျင့်များ ရရှိ ဖြစ်ပေါ်လာအောင် လေ့ကျင့်၊ပြုစုပျိုးထောင်၊ ဦးဆောင်မှု ပေးခြင်း ဖြစ်သည်ဟု အဓိပ္ပာယ်ဖွင့် ဆိုလို၏။ အရှင်းလင်းဆုံးနှင့်၊ အထင်ရှားဆုံး ဥပမာကား ရှိခဲ့ပြီးချေပြီ။ ကြီးကျယ်သော ခေါင်းဆောင် နှင့် မြင့်မြတ်သော အဖွဲ့အစည်း။

မည်သူတို့နည်း။ ငယ်မည် သိဒ္ဓတ္ထ ဟု တွင်သော ဂေါတမ ဗုဒ္ဓ နှင့် သူ၏ နောက်ပါ အဖွဲ့အစည်း တပည့်သာဝက သံဃာများ ပင်တည်း။ ဂေါတမ ဗုဒ္ဓ ကား သူတည်ရှိခဲ့ရာ ကာလ ဘီစီ - ၅၆၃ မှ ဘီစီ - ၄၈၃ ၊ သက်တမ်း - နှစ်ပေါင်း (၈၀) အတွင်း ဤ လောက၊ ဤ လူ့ဘောင် အတွင်း အအောင်မြင်ဆုံးနှင့် အငြိမ်းချမ်းဆုံး သော အဖွဲ့အစည်း တစ်ခုကို ဂရုဏာ၊ လေးစားမှု နှင့် ငြိမ်းချမ်းမှု တို့ကို အရင်းပြု၍ ခိုင်ခံ့စွာ ဦးဆောင်လမ်းပြ တည်ထောင် သွားခဲ့ချေသည်။ သူမြင်သကဲ့ သို့ သူဟောခဲ့သည်။ သူသိသကဲ့သို့ သူပြောခဲ့သည်။ မချွင်းမချန် အားလုံး အမှန်တရားများသာ ဖြစ်ကြောင်း။ သို့သော် သူလုပ်ခဲ့၊ သူဟောခဲ့သည် များကား သူ့ကိုယ်ကျိုးမဟုတ်၊ ခေါင်းဆောင် ဖြစ်လို၍ မဟုတ်။ လောက အကျိုး၊ အများ အကျိုး မျှသာ။ ထို့အပြင် သူပြောတိုင်း၊ ယုံကြည်လောက်သော သူပြောတိုင်း၊ စာထဲပေထဲ ပါသည်ဟုပြောတိုင်း မျက်စိမှိတ် ယုံစရာ မလို၊ ကိုယ်တိုင် လေ့လာ သုံးသပ်ပြီး၊ လက်ခံမှ ယုံ ဟူသော ရဲရဲတောက် ပြောကြားချက်များ အပါအဝင် သူဟောသော၊ သူပြောသော စကားများ အတွင်း၌ပင် သူကဲ့သို့သော ကြီးကျယ်၊ မြင့်မြတ်သူ ဖြစ်လိုလျင် ဖြစ်နိုင်သောနည်းများ ကလည်း ပါချေသေး၏။ မည်မျှလောက် ကြီးကျယ်သော ခေါင်းဆောင် ပါပေနည်း။

(စ)

အနှစ်ချုပ်ရလျင် ခေါင်းဆောင်မှု၊ ခေါင်းဆောင်၊ ခေါင်းဆောင် ကျင့်ဝတ် စသည့် အရာအားလုံးတို့သည် ကမ္ဘာတည်သရွေ့၊ လူ့ဘောင် အဖွဲ့အစည်းများ တည်ရှိသရွေ့ လူသားတို့၏ လိုအပ်ချက် အရ တည်ရှိနေကြ ဦးမည့် အရာများ ဖြစ်ကြ၏။ ဤနေရာတွင် ခေါင်းဆောင် လုပ်သူသည် ဦးစွာ မိမိကိုယ်တိုင် ကမ္ဘာ့ဆန်သော (တစ်ချိန်ချိန်တွင် စကြာဝဠာ ဆန်လာနိုင်ပြီး၊ ယခုပင် အစပျိုးနေချေပြီ) အမြင်မျိုး၊ အသိဥာဏ်မျိုး ရှိရန်လိုအပ်ပြီး မိမိသိသကဲ့သို့ မိမိ နောက်ပါ အဖွဲ့အစည်းသိရှိအောင်၊ မိမိမြင်သကဲ့သို့ မိမိနောက်လိုက် လူများ မြင်တတ်အောင် သင်ကြား၊ ဦးဆောင် လမ်းပြတတ်ရန် လိုအပ်မည် ဖြစ်သည်။ မည်သူ တစ်ဦးတစ်ယောက် နှင့်မဆို လေးစားမှု ကို အရင်းခံသော လွတ်လပ်၊ ပွင့်လင်းသည့် ဆက်ဆံရေးမျိုး ထားရှိအပ်၏။ အဆုံးစွန်သော အဓိပ္ပာယ်ကား မိမိ၏ လူ့ အဖွဲ့အစည်းတစ်ခုလုံးကို ခေါင်းဆောင်တို့၏ အရည်အချင်းမျိုး နားလည်၊ ဖြစ်ပေါ် တည်ရှိလာအောင် ရည်ရွယ် လုပ်ဆောင် နိုင်သော လွန်စွာမှ ကြီးကျယ်မြင့်မြတ်သည့် ခေါင်းဆောင်မှုမျိုး ပေးခြင်းပင်တည်း။

မှော်ဆရာ